Click on a word to bring up parses, dictionary entries, and frequency statistics
25. Nullo magis Caesarem Augustum demeruit
et ad alia impetranda facilem sibi reddidit Furnius,
quam quod, cum patri Antonianas partes secuto
veniam impetrasset, dixit : " Hanc unam. Caesar,
habeo iniuriam tuam : effecisti, ut et viverem et
morerer ingratus." Quid est tam grati animi, quam
nullo modo sibi satis facere, quam ne ad spem quidem
exaequandi umquam beneficii accedere ?
[2]
His atque eiusmodi vocibus id agamus, ut voluntas
nostra non lateat, sed aperiatur et luceat. Verba
cessent licet : si, quemadmodum debemus, adfecti
[p. 102]
sumus, conscientia eminebit in vultu.
[3]
Qui gratus
futurus est, statim, dum accipit, de reddendo cogitet.
Chrysippus quidem ait illum velut in certamen cursus
compositum et carceribus inclusum opperiri debere
tempus suum, ad quod velut dato signo prosiliat ; et
quidem magna illi contentione opus est, magna celeritate, ut consequatur antecedentem.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.